會社絕對不是什麼 foodie，但對日本料理有一定程度嘅認知和堅持。
日本料理不止於「お任せ」omakase。
日本料理原點是「旨味」umami。
西方世界一向相信只有四原味，分別是鹹、甜、酸和苦。這是有科學根據，因為研究證明舌頭只有四類味覺細胞分辨出四原味。味王、唯靈、蘇斯黃、Gordon Ramsay 、你個 foodie KOL friend講嚟講去嘅好味，只要用四原味 % weighting 便能具體科學地表達出來。
除了日本料理的「旨味」。
初時西方學者認為「旨味」只不過是四原味其中一個奇怪組合而已。直至二十世紀初，日本科學家終於發現第五類味覺細胞，用來分辨出穀氨酸產生出來的獨特味道，大家終於承認第五種原味「旨味」。
咁究竟咩係「旨味」呀大佬？等到我 pat 北海道海膽就嚟壞啦…
日本鍋物湯底的極至，就是呈淺金黃色的清湯底，主要用昆布、乾鰹魚、乾香菇及醬油熬出來，那種超和風的味道就是「旨味」。
其實「旨味」不是和食獨有，世界其他地方的料理都有，我們中國人稱之為「鮮味」。英文有冇字形容？睇英國料理在世界上的水平… 有 delicious 這個字已經偷笑（上網發現果然又是由 Old French “delicieux” 偷過嚟）。
昨天我們到銅鑼灣 Times Square CitySuper 購物，它的日本食材專賣部在城中可算是數一數二，買手眼光獨到有水準。在那裡發現一系列的鍋物乾湯包，來自福岡「久原本家－茅乃舍」淺啡色無圖畫無英文，價錢又唔平，無人吼。我持著有比 Google Translate 更人性化的社長 Translate，買了一包清湯豚肉鍋湯底回家試吓。
被韓風荼毒，食慣鮮色濃味嘢，信心不足對此清湯底有所懷疑。在銅鑼灣 DONKI 買了以下材料：
豚肉
金菇
春菜
京蔥
非常普通食材，簡單易弄，煮出來清清地，先來一口湯底… 「能大 yaw」！！！！
社長立刻拍案叫絕！
就係呢個「旨味」。