有一樣嘢，唔知算唔算係 record 或 achievement。係銀行業打滾咗咁耐，我記得應該未為自己唱過新銀紙，連屋企人我都無幫佢哋唱過。
入職頭幾年，我內心未夠強大，自己的 quota 給其他同事用。有一年，我終於鼓起勇氣，同部門 Admin 講，我不唱新銀紙是愛護樹木（FionAndy 兩個是100%樹痴），所以我不會讓其他人用我的 quota。
從此，我成為有可能係敝行唯一一位已婚員工而不唱新銀紙。
這個堅持，我孤獨守護了二十年有多，靠收集舊銀紙和收回來的利是錢。我從來未收過投訴我派出去的利是有什麼問題，亦未試過無銀紙派利是。
或者你可以用「迎新鈔」封利是，即 refurbished 銀紙。
香港每逢農曆新年，流通市面現金會大量增加，出奇地數額很穩定，約二百億港元，過了年就不見了。我粗略估計過，假設約八成是新銀紙，數目足以鋪滿三百幾十個足球場（維園有6個）。仲未想像到有幾大？大約油尖旺區三分一，每年重新鋪一次，可想而知要砍伐幾多樹木。唱新銀紙需要錢（我知道印銀紙價錢，絕對唔係幾蚊一張）、人力和時間（e.g. 分行排隊、Admin 數和分銀紙等等）⋯
想像一下大家新年不唱新銀紙，保全下來的樹木，省下的金錢，慳回來的時間和勞動力⋯
當你知道以上資訊，還是堅持唱新銀紙，我真係想同你講一句⋯
你同我食晒啲銀紙佢！！