About us
曾經有兩個香港人，千里迢迢去日本南邊一個小島，來回行山12個鐘去拜訪一棵神樹，祈求可以打跛腳一世無憂。
兩個人對腳的確行到差唔多跛咗， 係咪一世無憂就見仁見智。起碼到依家都有人請我哋做牛做馬，搵到幾個碎錢吃喝玩樂，對生活扮吓有啲要求。
About him
多年前去寵物舖，以為有熊貓BB賣，立刻興奮抱回家，養大了才知是一隻狗。
在家裏擁有絕對嘅存在感，因我倆嘅愛心教育而導致目中無人。 唔鍾意出街，唔鍾意玩波，唔鍾意沖涼， 唔鍾意同狗玩，最鍾意食蘋果。
About blog
開始寫呢個部落格，源於一個電飯煲。 先前個電飯煲用咗10年，開始老化，決定買一個新。上網做一下資料蒐集，睇吓香港人對不同款式電飯煲嘅評價同推薦。點知來自內地台灣嘅文章就一大堆，香港人寫嘅就一篇都冇。 唔通香港人全部唔煮飯？ 冇奶油。 香港人對生活冇要求？呢個我唔太清楚，但係對家傭就一定有要求。
我決定在網上寫文，一來分享下各種無聊東西嘅感想，二來扮下文青賣弄一下浪漫，三來話俾華語世界聽香港人都識寫下關於生活品味嘅部落文章。