高達有沙薩比，漫畫有史奴比，呢兩個「比」你唔知唔緊要，但係食薯條你一定要識宅卡比 Jagabee！
究竟係過往十年社長同社員食咗幾多杯宅卡比？唉，講呢啲…
由卡樂B出品嘅 Jagabee 可以話係日本嘅國民薯條，日本隨處都可見到男女老幼食緊，誇張啲講可能每一分鐘係日本都有人食緊。
Jagabee 不時都有季節限定味道，古靈精怪乜都有，但係由始至終最經典嘅神級味道，當然係沙律味。雖然同真正沙律完全大纜都扯唔埋，但總之就好味，一食就停唔到，完全失控…神級嘅薯條味，你識就一早發咗達，仲駛係度同我啃薯條！
究竟 Jagabee 又幾毒？毒到… 香港 Aeon 長期只見價錢牌唔見貨，社員一見有貨 no see 即掃五六杯（雖然因為無防腐劑保質期只有兩個月左右），社長去到 Donki一開始搵唔到佢發慌！
下次你去 Donki 見到一對男女戴口罩鬼鬼鼠鼠係宅卡比附近就知佢哋係乜水。