唔知大家有冇儲存貓狗糧嘅煩惱。
買一大袋，要個多月先食得晒。香港夏天非常潮濕，乾糧其實好易變壞發霉，但深色好難睇得出。我獸醫有提及香港貓狗肝酵素好易偏高（我們的狗狗曾經係），原因可能係食咗變壞發霉嘅乾糧。好多貓狗好似揀飲擇食，其實係因為聞到乾糧有霉味。
我哋嘅解決辦法係將乾糧放入 sous vide 用煮食膠袋，然後抽真空儲存，但係唔環保又唔方便，兼且兩三個星期後就會漏氣。
某日逛街見到 Petkit 新推出真空儲存盒 Vacube，有一個自動真空泵，㩒兩下1分鐘內就能抽真空，跟住會一日四次自動監察盒內氣壓，有需要時自動抽氣，確保儲存盒永遠保持真空狀態。
頂部圓型物體就係個泵，可以攞出嚟 USB-C 叉電，大約一至兩個月做一次。取走佢不會影響儲存盒真空狀態。試用了差不多一星期，非常滿意，乾糧脆卜卜。抽真空非常徹底，個蓋啜實到可以拎起一個有糧嘅盒。我試過專登放氣，隔了一會佢果然偵察到漏氣，自動抽真空。
