最近我工作的銀行舉行一個慈善籌款活動，名叫 Home Run 2022，鼓勵大家以跑步或步行一個目標距離，向親朋戚友同事募捐，換取有薪假期作獎勵。所有善款會捐畀 Standard Chartered Foundation，在英國註冊的慈善機構，用於 Futuremakers 這個 programme，在全世界幫助來自低收入家庭的年青人自力更生，創造美好的未來。
我係一個跑者，一見到 run 字立即被吸引到。橫掂我係咪都 run，又可以做善事，咪 run 下囉。
跟住我好奇，上網搜尋一下「貧窮青年」和去 Futuremakers 網頁睇吓佢做咗啲乜。
看完之後，好黯然，但亦忽然充滿熱血動力去做好呢個 Home Run 2022。
香港相對富庶，但在2020 年仍有青年貧窮人口143,600，佔總青年人口比率 15.6%。人數相當於143間學校學生人數！
何謂貧窮青年？以下一個香港真實個案。
大學三年級女生，和媽媽及妹妹住在100呎劏房。周末兩天在麵包店兼職，每天工作8-10小時，平日每天替中學生補習1-2小時。未畢業已經欠政府學生貸款20多萬。在學校餐廳只敢點17元特價套餐。好羨慕其他同學不用擔心食唔到飯和交唔到屋租。
你會以為這名女生一定滿口怨言，對社會充滿控訴。
可是她卻拋下一句：「堅持下去，困難其實眨眼就過。」
你慚愧嗎？你 feel 到那團火同豁達嗎？
我非常慚愧。我找到了 Home Run 2022 嘅動力。
之後再看 Futuremakers 網頁上來自世界各地的故事，我被燒著了。
深深明白何謂 「人窮志不窮」。屈居斗室，內心卻懷著比天空更遠大的目標。
希望你能到我募捐網頁，支持 Standard Chartered Foundation ，讓這火繼續燃燒🔥，我會在五月努力跑更多。💪