游完水通常有啲肚餓，沖完身會諗下去邊度食番餐好。
我估好少人會想係泳池食埋先走，就等於星期五放工有同事提意留係 office happy hour 一樣。
今次介紹一間泳池餐廳，唔係某泳手以「泳池」為名開嘅餐廳，係的確位於泳池裡面嘅餐廳，從那裡可以望到室內泳池。
它就是「港島東體育館泳池餐廳」，位於西灣河，地元名店。
我 WFH 不時忍唔住中午去那裏，食個麻甩佬碟頭飯。聽聞主廚曾經係行政主廚，攞過奬，所以碟頭飯唔同隔條街太興一般貨色，即叫即煮。我碟頭飯 benchmark 一向係枝竹火腩飯，連呢樣都 impress 唔到我，你咪旨意賺我哋班麻甩佬生意！首先餸同飯分開上， 白飯賣相好靚，枝竹軟中帶爽，火腩居然有脆皮，真係麻甩講… 「真係幾L碗飯都唔L夠，X你！」
我試過乾炒牛河同福建炒飯，全部高水準， 全部一律 HKD 42 一碟包中湯。佢有做夜市，四人套餐要幾日前預訂，好豐富，大酒樓水準，我生日試過一次非常唔錯。
下次同事提意留係 office happy hour，就俾次機會佢。