餐廳好與壞，原來真的不只食物味道和質素，氛圍和顧客體驗同樣重要。
多年前第一次光顧 Five Guys，香港第一分店在灣仔開幕，萬人空巷。由霸位、排長龍、點餐以至取餐，超級混亂身心疲累。KOL 無給我足夠心理準備，一打開紙袋，薯條倒瀉籮蟹，打開錫紙，個漢堡包變形崩塌。再加上超預期份量，食到我同社長眼凸凸成手油汁無晒心機。
之後唱衰 Five Guys 足足幾年。
前排 Five Guys 終於來到觀塘，忍唔住去買杯 milk shake，真係無得輸，夠膽講係香港數一數二最正。信心有啲番咗嚟，再次沖擊午餐。今次排隊時間短很多，但係仍然有一美中不足，不過呢樣嘢唔關 Five Guys 事…
我最討厭兩個麻甩佬用 n 分鐘都決定唔到 burger 嘅 toppings！！！！ 🤯
食得 Five Guys，就要豪邁同 man，所以我 toppings 一定 all the way，店員通常會以眼神給予肯定同欣賞。每次我見到前面啲人揀嚟揀去 toppings，我就會好 Baba Voss（唔知係乜，Google 下你就驚）。
我叫咗 regular fries 同 regular cheeseburger，一打開同上次觀感一樣，份量亦一樣，雖然有心理準備但再次食到我眼凸凸成手油汁。不過今次心情還可以，因為排隊時間短地方寛闊不擠擁，出去飲枝綠茶消滯就 OK。
上星期五心思思再試午餐，排隊又再 Baba Voss，但今次我點 little fries 同 little cheeseburger。終於找到份量平衡點，給我空間細味食物味道同質素。其實佢手切粗薯條真係有薯仔味，漢堡包嘅每一樣 topping 都非常新鮮，塊肉餅更加唔駛講，steak 味滿點。
Last but not the least，一打開錫紙個包脹卜卜好靚層次分明。
Five Guys I don’t hate you anymore ❤️🍔