最近香港 7 Eleven 發動網上宣傳攻勢，小紅書亦配合助攻，強勢推介來自台灣的 Yaku 慢燒牛奶。據聞好多七仔賣斷貨，有人話行勻三十間七仔都買唔到。

當我係觀塘公司樓下七仔見到佢，立即買一樽試下。

首先要讚一讚它日系文青外形，非常 ins，唔飲得都睇得。非常適合在晴空藍天下，坐在海邊防波堤上，飲一口然後向日本海大叫：「我愛你！」

真正飲一口，立刻想向著維港大叫：「我頂你！」

味道就像將奶粉開的牛奶煲熱，就係咁簡單，其實成分表亦清楚列明係由奶粉開嘅。我由細飲牛奶飲到幾十歲，老實講有好多鮮奶比這個慢燒牛奶好飲好多。

信 KOL 一成，真係雙目失明。