兩年前安迪感染甲型流感，要食足五日特敏福，燒足五日。量體溫次數多到記不到，病到死下死下時發現原來家𥚃有齊各款體溫計，自己拋個身出嚟科學測試各款好與壞。

兩年後， 雖然無時無刻戴住口罩，但流感老友記仍然返嚟探我。今次低溫燒，但肌肉劇痛。最後要去私家醫院睇醫生，即日做測試，好彩係陰性，嚇餐死。

據講新冠肺炎和普通流感嘅其中一個分別，就是新冠肺炎會先來低燒， 慢火煮你，所以一定要有一個好體溫計確定係唔係真係發燒。

口探、額探及耳探 我全部試過晒。首先買體溫計不要慳，一定要買大牌子，除了造工質素有保證，在出廠前會做好 calibration ，量度準確度有保障。

以下是我的用後感：

  • 口探：我用的是 Omron MC-246，價格是三款中最低，溫度最準確穩定。不過剛吃完東西和飲完嘢不能用，要等一下。量度時間最長，起碼一分鐘。如果一分鐘後溫度還未穩定下來，它會繼續量度，直至讀數維持幾秒不變。隨時有可能含足幾分鐘。無論小朋友或大人，都係耐性大測試，真係火到想咬斷條棒！另外鼻塞時因要用口透氣時，用口探其實會影響準確度。
  • 額探：我用的是 Braun 免接觸額溫槍 BNT400，價格和耳探差不多，可以接觸或非接觸探測溫度。雖然看似兒嬉，但其實都頗準確，如果非接觸更不用每次清㓗。可是如果曾經洗澡或出外，便要等約二十分鐘才可量度體溫。它有靜音模式，非常適合晚上量度小朋友體溫又不用弄醒他。 試過曾經想用喺 Him 度， 佢好驚激光之餘仲差啲想咬死我！
  • 耳探：我用的是 Braun ThermoScan 7，個人最喜愛，量度快而準。Braun 比其他牌子優勝的地方，它會預熱探嘴，提高準確度，亦能因應年齡調整發燒溫度區域，用紅黃綠表示低中高燒，病到頭昏腦漲時頗有用。唯一麻煩是要定期換嘴套，保持衛生。