當年 iPad 面世，有人問我會唔會買，我話咁大部 touch phone 邊有人要。結果我錯了，兼買咗。
最近 AirTag 終於推出，有人問我會唔會買，我話一粒藍芽發射器用嚟做乜。結果我又錯了，兼今朝買咗。
有咗 AirTag，不但可以告別係屋企搵極都搵唔到抽鎖匙嘅無聊日子，原來還有數之不盡的用途。最重要，係原來有數之不盡嘅潛在用家！
配對過程簡單到冇得再簡單，擺埋 iPhone 附近就一分鐘內搞掂。AirTag 會利用你的 iPhone 讀取到自身的位置，但神奇地它亦能借助其他的 iPhone 令你的 iPhone 得知它的位置。如果你使用 iPhone 11/12，便可以可精準定位 AirTag，過程好像小時候玩的「You’re hot」找物件遊戲。首先在 iPhone 「Find My」app 內會告訴你收不到該 AirTag 訊號，當你周圍行吓就會有箭嘴指住物品方向，行到很近成個畫面會變咗綠色，跟住 iPhone 開始震，越近越震得頻密，直到找到物品。實際盲測試，利用這精準定位方法，不需一分鐘便能在少於五百平方呎空間找到物品。
估唔到好多大叔（做得我阿爸年紀）一早去銅鑼灣 Apple Store 搶購 AirTag，全部買完四粒又四粒，一面向店員大讚。有些配件某種顏色已經斷貨。我心諗點解要咁多粒？一段對話解答咗我嘅疑團…
「兩架車，兩條車匙，已經用晒四粒…」
年紀大記性差多寶貝嘅 segment 已經殺晒，今次 Apple 發達喇。💰