DONKI 有各種各樣日式火鍋湯底賣，邊款最好純綷個人口味。臨近鍋の季節嘅尾巴，在此介紹我們認為 DONKI 有賣最出色嘅湯底。
相片見到嘅湯底，在銅鑼灣 DONKI 不時出現，「白菜鍋」名字並不震撼。唔好俾佢低調嘅外表欺騙到，味道比其他「惡魔」「極」浮誇湯底有層次深度好多，好似做人一樣。🤣 如它的背面所講，美味程度可以令你鯨吞一公斤野菜！
唔知你有冇食過博多白湯野菜拉麵，以前銅鑼灣有一間日本人開的閣樓 Jazz 居酒屋做得非常出色。經過長時間熬製嘅濃白豬骨雞湯，配以各式野菜豚肉，清淡得嚟又味濃，大大碗拉麵陪伴我倆渡過數不清的飢餓 Friday nights。
好似有啲離題，這個「白菜鍋」就像 exactly 用那拉麵湯底做火鍋，何止一公斤野菜，再加一公斤烏冬或中華麵都食得落！
以下是我們用的二人份火鍋配料：
- 日本旺菜 1/4 棵切片 (記斜切薄片)
- 蘿蔔 1 條切片
- 鮮冬菇 5 粒
- 京蔥 1/2 條切片
- 豬梅肉火鍋切片 300g
大家去掃這湯底時，記得留番一包俾我哋！