Cheapの蓮 評分：三星
估唔到 Saizeriya 薩莉亞札根香港13年，開了超過50間分店，我前日先知道佢嘅存在。
去日本旅行，road trip 途中我們不時都會光顧家庭餐廳。它們一定不會上米芝蓮，但性價比高，每位一千円 soft drink 任飲大大碟主菜，快靚正乾淨企理，座位寛闊坐得舒服，是很多日本人（以及我倆）美好青春回憶。
薩莉亞經營模式是做性價比之王，以最平價錢提供高質素意大利菜式。 $12一碟正宗意大利菜湯，$10一碟蒜蓉包，$30 八吋水牛芝士蕃茄薄餅，全部賣相靚 味道好份量足，顧客完全失去投訴嘅權利。自助飲品吧，各式汽水任飲，意大利即磨咖啡機任用，我見一裝修師傅櫈都未坐暖已經 down 咗三杯！ 講緊都係俾多$13就有咁嘅享受，仲要包新鮮沙律，OMG。
你試過之後，一定會想報警， 舉報香港島有大量意大利餐廳公然搶劫。
講講下我又想去開餐…